Påskesongmesse i Åsskard
Skjærtorsdag kveld inviterer Åsskard kyrkje til si årlege konsertmesse med påska som tema. Klassisk musikk, tekster, salmar og liturgi dannar ei vandring frå palmesøndag til påskedag.
Vårens store høgtid er rik på vakker og uttrykksfull musikk. Damegruppa i koret «Prosjekt 17» og strykarane Ellen Rensvik, Synnøve Hammervold, Trond Harald Saltnes og Marit Aspås framfører musikk av Handel (frå Water Music, Messias og Judas Maccbaeus), Mozart (Ave verum, Agnus Dei og Alleluja), Elgar og Haydn. Nora Bøe og Marie Skjerdal er solistar i koret.
Musikk, tekster og symbolhandlingar dannar ei konsertmesse der Torbjørn Brøske er hovudliturg saman med konfirmantar og andre.
Soknerådet spanderer kveldsmat på alle etter messa.
Påskesongmessa i Åsskard har vorte ein populær tradisjon der ein opplever essensen av høgtida i musikalsk samanheng i løpet av ei lita kveldsstund.
_3.jpg)
